Probe-Weekend

Dass mer spelerisch de ou gwappnet sei förd Fasnacht, gots för üs im Dezember weder is Probe-Weekend. Das fendet das Johr ide Möhrlialp statt.

Gstartet werd, för die wo scho parat sei, am Fritig-Obe met Ahstosse , dass mer de ou in Stemmig sei, am Samstig beziite vou Gas z probe :P.

Am Obe werd de wie emmer de Samichlous uf nes Bsüechli verbi cho ond mer döffid üsi 6 neue Hamborger toufe.

Damet mer ou ned verhongered, wärde mer vo es paarne Passiv-Mitglieder bekocht, wo üs ah dem Wochenendi wärdid begleite.

Ehr gsänd, das ganze werd e riese Spass ond mer freuid üs dementsprächend bereits ou scho sehr :) !

Am Sonntig gots de noch witere Probe ond em Potze heizue, so dass mer de im spötere Nomittag weder z Äbersecke settid ahcho. 

Wöu wie heissts ou alle so schön: "Hüüüü, ech moss am Mäntig weder go schaffe!".